दुहबी नगरपालिका भित्र हाल सन्चालनमा रहेका निजि ( बोर्डिङ) स्कुलहरुले सरकारलाइ आफ्ना मुद्दा तत्काल सम्बोधन गर्न दबाव दिन प्याब्सन र एन प्याब्सनको पुर्वनिर्धारीत दबाब कार्यक्रम अन्तर्ग आज स्कुल बस हरु सडकमा उतारेर आन्दोल गरेका छन ।
निजि बिद्यालयहरुले साना तथा ठुला सवारी साधनहरु दुहबी मुख्य बजारको कोषी राजमार्ग हुदै मोरङको निमुवा सम्म र्यालि गरेको प्रदर्शन गरेको महेन्द्र मेमोरियल बोर्डिङ स्कुलका पृन्सिपल निश्चलराज शाक्यले जानकारी गराएका छन्।
खासगरी नेपाल सरकारको संसदीय शिक्षासम्बन्धी विधेयक (School Education Bill, २०८०) को केही प्रावधानहरूले निजी विद्यालयहरुको व्यावसायिक अस्तित्व र सञ्चालन अधिकारमा असर पुर्याउने भन्दै उनीहरू असन्तुष्ट छन् ।
विशेष गरी “पूर्ण छात्रवृत्ति”, “नाफामूलक→गैर‑नाफामूलक रुपान्तरण”, र अनावश्यक गैर‑शैक्षिक सामग्रीहरूको व्यवस्था लगायतका प्रावधानहरू उनीहरूको विरोधमा केन्द्रीत छन् । दुहबी नगरस्तरिय निजी विद्यालय सञ्चालकहरूको प्रमुख संगठनहरू प्याब्सन र एन प्याब्सनले गत साउन २९ गते उपप्रमुख मेनुका पोखरेल खतीवडालाइ आफ्ना मुद्दाहरु माथि नेपाल सरकारको ध्यानाकर्षण गरिदिन ज्ञापन पत्र बुझाएका थिए।
निजि बिद्यालयहरुले आफ्ना ५ बुदे माग सार्वजनिक गरी आन्दोलन गर्दै आएका छन ।“पूर्ण छात्रवृत्ति” शब्द हटाउने पूर्ण छात्रवृत्ति भन्ने शब्दावली प्रावधानमा हटाइनुपर्ने ।विद्यालयले उत्पादन नगर्ने सामग्री (पोशाक, स्टेशनरी, शैक्षिक सामग्री, खाना) उपलब्ध गराउने प्रावधान हटाउने।कम्पनी ऐनअन्तर्गत दर्ता भएकाहरूलाई “गैर‑नाफामूलक” बनाउने प्रावधान हटाउनुपर्ने ।छात्रवृत्ति वितरणको अधिकार विद्यालयमै रहोस्, तर पारदर्शी समितिरूपमा नगरपालिका प्रतिनिधिको सहभागिता सहित वितरण गरियोस् ।छात्रवृत्ति सम्बन्धी आरक्षण र विभेदात्मक प्रावधानहरू जस्तै ४५% आरक्षण, सामुदायिक विद्यालय पढेको मान्छेलाई मात्रै उच्च शिक्षा, आदि हटाउनुपर्ने ।